|
|
اشاره : غريبی هال / حال ، داستانی ست در حیطه زبان تبری یا همان طبری. بیدرنگ و پیشاپیش بگویم که داستان را به نویسنده و پژوهشگر خستگی ناپذیر استاد بمون تپوری تقدیم کرده ام.
نماشون گدر مه فكر میون گذر / گزر دارنی. ته دس ر گیرمه كه: اره، اتتا كم برو بنالیم تا مه بی ته دل وا بوه!همینتی هسسمه. همینتیه كه ته ره شه ور دارمه، نالمبه. ته دس بنویشت یاد دارمه. شه پلی گومبه: ته وه بنویشتن مه وسسه خله سخت بیه. اون مسما واری نتومبه دل وس بنویسم. ته دس بنویشت ره انده بخونسسمه كه همه گپا ره یاد دارمه.
بنویشتی: «چن روزه انده وارش بیمو كه سل سر هاكرده!»
گمون كامبه د2 هفته پیش بیه. شه دوس رفغ / رفق جا كه وچگی مه سسم تا اسا هئیِ تن جمه هسسمی، تلفنی گپ زومه. گته: « اینجه آدما سر كل بیمونه، آزادی هسسه بنشنه بنالسسن...»
ونه سر سروش میون سم زنون بئوتمه: گگه! این گپا اون مسم بیه. دیه. دوننی!؟ اون گدر بی خنه‌مون بييه تا اسا مه گپ وه هسسه« بنالسسه په آزادی دنیه!؟ اسا خانه بوم تتم جواب این تائه. گته هنتا كه هنتائه ته حرف و گپ مه خنه نغل / نقل و نباته …
بنویشت بی: «تجن او سرهاكرده، تجن لو، تموم نرسی بینج ره او بورده. اسا شو به شو كه وونه امه د2خئيز زمین وسسه ته پیر نتونده بوره یور شوپه …»
سرد و سیو چلله ته یاد انه!؟
پیر و كبلائی امه خنه نیشت بینه. گپ زونه ولکوم ورزگرای گرفتاری ره كم هاكنن. مشكل ره حل هاكنن. همینتی كه دییمه كلین بن تش ره پشوك دامه، بئوتمه: بوا جان ته كه مله‌ی پیر و گت هسسی، ورزگرا ره اتتا جا گرد بیار و وشن بئو بینجستون ره او هدائن وسسه بلو بی رن، همه تایی دس جم كله سر بن جور هاكنیم. ونه هئی كومك بووشیم ولكوم تجن اوی سر ره بردگارندیم.
این او ونه پشت راه جا بوره . وه ره دیگه اعتبار نیه. اون جه دی مه اتتا اسب كاره داشتمه، امه گت پیر بمرده مسم مه نوم هاكرد بیه. بنویشتبی همون كاره اسا اتتا قزل اسب بيییه ، تجن لو دييه چرا كارده وه ره او بورده. دونسسی باب‌جان دزد هنتا نمرده ؟! ناییتنی اگه حوون بی ساهاب / صاحاب الا هادی چرا بوره ، اماره رضا گگه كاركفنه؟!
پرار ونه تلمار چن سوائی بسر پوس بیه. این مله گت و چلیك خوربئی نه. باب جان دزد بدزدیه. انده ونه سادگی جا سو استفاده هاكرده ، بورده پاسگاه دعوا، گگه دس شكایت هاكرده. ونه دس شه هیج جاره بن نيیه، دیگه تلمار گردن زنگ ونگ نیمو. مردم میون باب جان رسوایی سرهاییته بیه.هنتا گگه نماشون گوبنه میون اتتا كتینگ سر راداری كنده كه… اسا چه فرق كانده باب جان مال بدزده یا تجن او سرهاكنه؟ خام بوم نوسسه هوش بوئين؟! یعنی نوسسه شمه هواس / حواس دووه ؟! … شه دومبه مه گپم شمسسه دوا نوونه . دومبه!
شه دس بنویشت آخرا ئم مه حال و روز ره بپرسی.
ونه بووم مه نخاره دل ته وسسه كهوئه. نماشون كه وونه عوض دیسكو بوردن و … ته یاد په شومبه. اتا دیم دار و خال داره ، سایه نیشرمه. همونتی افتاو مار شونه ، ته ره ویمبه لشت و جوله ته دس، گوبنه میون، اتتا كتینگ سر مه دیم به دیم نیشتی. نیشتی مال، چرا جا دگرده. منم ته وسسه كتولی سر دمبه . درس اون مه سسم واری. اون مه سسم من دئی مه، ته دئی. هرچی شال و ورگ و باب جان وسسه كتولی ره سر دمبه.
بدون بووشن هنتا درمه … انده خوندمبه ته چش اسری سر شونه . شه برمه هاكرده چش ره پاك كامبه نماشون گدر.
|
|
|
